اسلام آباد: معروف مبلغ مولانا طارق جمیل نے رمضان ٹرانسمیشن کی اجازت دیتے ہوئے کہا ہے کہ اداکاروں اور فنکاروں کی جانب سے رمضان کی نشریات کرنے میں کوئی قباحت نہیں ہے۔
جیو نیوز کے پروگرام جرگہ میں میزبان سلیم صافی کے ساتھ گفتگو کرتے ہوئے طارق جمیل کا کہنا تھا کہ ’’اگر اداکار اور فنکار رمضان ٹرانسمیشن خیرخواہی کے مقصد سے کررہے ہیں تو اس میں کوئی حرج نہیں ہے‘۔
اُن کا کہنا تھا کہ ’’ویسے بھی دین کی بات کرنا ہر مسلمان پر فرض ہے مگر پروگراموں میں جو فضولیات ہوتی ہیں اُن کو روکنا چاہیے کیونکہ غیر ضروری کاموں میں حصہ لینا ٹھیک نہیں ہے‘‘۔
یاد رہے کہ رواں سال رمضان المبارک کے آغاز سے قبل ایک نئی بحث کا آغاز اُس وقت شروع ہوا تھا جب پنجاب اسمبلی میں فنکاروں کے رمضان پروگرام کرنے پر پابندی عائد کرنے کی قرارداد پیش کی گئی تھی۔
صنم بلوچ کا رمضان شو نہ کرنے کا دو ٹوک اعلان، یہ اقدام کیوں اٹھایا؟ جانیے
